توقعات الخريف في بلاد الشام2025
أسامينا
الراصدالحوي عامرحليم همن_دمشق.
النشرة_شاملة سوريا والأردن وفلسطين ولبنان
سبتمبر/أيلول :
بأول الشهر ممكن نشوف أيام باردة تحسسنا أنو دخلنا فصل الخريف فعلياً ، ولكن فرص الأمطار محدودة في مناطق الداخل بأول 20يوم ، ممكن نشوف حالتين من الحالات المطرية بمنتصف الشهر وبآخر الشهر عم تتركز ع مناطق لبنان وغرب سوريا وغرب فلسطين ، باقي المناطق ما بتوقع يصير فيها هطولات مهمة ….
أكتوبر/تشرين الأول :
بيدخل الشهر ببرودة واضحة مع تأخر فعلي بالأمطار على مناطق الداخل ، بتبقى الحالات عدم استقرار جوية بأمطار محدودة ع شمال غرب سوريا والساحل اللبناني والسوري الفلسطيني ، بعد 20الشهر بتتحسن الهطولات بشكل واضح وبتبلش تمدد بإتجاه مناطق الداخل ،ممكن نشوف منخفض جوي مطري قوي بنهاية شهر أكتوبر يشمل كل المناطق ….
نوفمبر / تشرين الثاني :
تتغير الأمور إلى الأفضل، عدة حالات مطرية متوقعة تشمل 80% من مساحة أراضي البلاد ، أغلبها عم بكون حالات مطرية شبه مدارية، لهيك الشمول بكون أوسع ، ممكن نشوف منخفض متوسطي قبرصي بين 10..20الشهر يؤدي لهطولات مطرية واسعة وتساقط ثلجي على مرتفعات 1400.1500متر ، وبشكل عام عم تتحسن فرص الهطولات بشهر 11 بشكل واضح جداً بالنسبة للمناطق الداخلية ….
تنويه
حبيت بسط التوقعات بحيث يقدر أي شخص يفهم فعلياً شو المقصود بالمصطلحات العلمية ، التوقعات نواتج عدة تحليلات منها عوامل المحيط الهادئ والقطب الشمالي ونشاط البحر المتوسط ، وهي التوقعات توقعات فصلية بعيدة المدى ، يمكن تعديلها أو حتى تغيرها عند أقتراب المدة ،
