السنة المجرية الجديدة
أسامينا
هي الساعات عم تغلق دورة كاملة لسنة مجرية راح تموت وتبلش سنة مجريّة جديدة ..كانت سنة استثنائية وكأنها اختصرت عقود وسنوات ..راح نبلش بدورة وعام مجري جديد بنفس الوقت ..
تقويم المايان كتير دقيق من عام ٢٠١٢ يلي اعتبروه نهاية مرحلة كاملة من مسيرة الحضارة البشرية دخلنا بتاريخ جديد تماماً من هداك العام ٢٠١٢ لعام ٢٠٢٥ عنا ١٣ عام والعام المجري معتمد على الرقم ١٣ ودورة القمر ١٣ × ٢٨ اللي نتيجته ٣٦٤ اليوم بين ٢٥ و٢٦ هاد اعتبروه خارج الزمن لأن يختم عام مجري واحد وعنا ١٣ عام من تاريخ ٢٠١٢ .. دخلنا دورة جديدة مقدارها ١٣ عام يعني من الآن إلى عام ٢٠٣٧ دورة جديدة واليوم تقفل سنة مجريّة واحدة كانت بعقود كلها تغييرات ومفاجآت وتحولات وصعاب .. تبدأ السنة المجرية الجديدة غداً 26 يوليو :
يشرق نجم Sirius (الشِّعْرَى) مع الشمس هو رمز للصحوة الروحية والارتباط مع الحضارات الكونية والطاقة الأنثوية العليا..حيث يُعاد ترتيب النبض الزمني للأرض (إعادة ضبط طاقي)..
يُقال إن هذا اليوم يُفعّل بوابة تتصل بـ “المصفوفة الإلهية المصدر ” أو “الزمن المقدس” هذه الفترة مدة أسبوعين تحمل طاقة تفعيل للنوايا والبدايات ..
في حدا يتخيل عظمة هالكون يا الله … يا إنسان شو ضيعت عحالك فرص انك تدرك الأسرار العظيمة ..لازم نبلش من جديد ونكون أقوى .. بتمنى كل حدا يحقق أهدافه للعام المجري الجديد وطبعاً السلام والأمن والأمان والوفرة لكل الناس لكل إنسان أدرك إنسانيته بكل مافيها من عظمه ..فتحت جيماتريا وأخدت إشارة طلعتي عبارة :
((إن من مجد الله أن يُخفي أمراً .. ومن مجد الملوك أن يبحثوا عن الأمر ))
لازم عطول نبحث عن الحقيقة مهما تعبنا وعانينا.. لأن مجد الملوك (معنى رمزي) أن نبحث عن ما أخفاه الله ..
اخترت اليوم تتعرفوا على أعظم وأكبر ثقب أسود بالكون ومكتشف لحد الآن.. تون٦١٨ مستحيل عقلكم يتخيل هالكائن راقبوا الفيديو لنهايته مقارنة بين مجرتنا والمجرات التانية والثقوب السوداء المكتشفة وكلها تجاه ( Ton618 ) تعتبر ولاشي ..عملاق كوني يبتلع كل شيء تشويه غير محدود لنسيج الزمكان.. تسقط الفيزياء كلها أمامه انها لاشيء ..هو يبتلع الضوء والزمان والمكان لا وجود لأي كارما وثتائيات فقط لانهاية و لامحدود..
هاد إذا منحطو على خطوط الطول السماوية والنظام الاستوائي للبروج بيطلع بين الدرجه ٢٣ و ٢٦ بالعذراء الاستوائي على وشك المريخ يتوافق معه هل يبتلع الحروب والظلم هذا العملاق ؟ هل له مهمة من الله أن يتدخل ليحل العدل هنا على هذه الغبره الكونية يلي اسمها الأرض.. لو يعرف تون٦١٨ بالظلم عالأرض كان ماوفرنا ومتل ما قلت لكم العبارة الأولى:
إن من مجد الله أن يُخفي أمراً، ومن مجد الملوك أن يبحثوا عن الأمر
.. ما تبطلوا بحث حتى آخر لحظة بالحياة .. نحن ملوك لنا المجد ..
